उपत्यका, २४ साउन । काठमाडौं मेडिकल कलेजले काठमाडौं महानगरपालिका वडा नं. ९ बैंकटेश्वरमार्गमा गरेको निःशुल्क स्वास्थ्य शिविरबाट ७५३ जना लाभान्वित भएका छन् । केएमसीले आज मंगलबार साइनिङ नेपाल फाउण्डेशनको सहकार्यमा साम्भवी स्कुलको प्राङ्गणमा निःशुल्क स्वास्थ्य शिविर सञ्चालन गरेको हो ।

शिविरमा १२१ जनाको इसिजी गरिँदा १८४ जनाको ल्याब परीक्षण तथा १९१ जनाको युएसजी गरिएको केएमसीका जनरल मेनेजर नारायण दाहालले जानकारी दिए । दाहालका अनुसार निःशुल्क स्वास्थ्य शिविरमा २७ जनाको दाँत खोलिएको थियो भने, थप उपचारका लागि ३२ जनालाई ओ.टी. रेफर गरिएको थियो ।

डा. सुनिल शर्मा नेतृत्वको केएमसीले राजधानीका विभिन्न स्थानमा निःशुल्क स्वास्थ्य शिविर सञ्चालन गर्दै आइरहेको छ । जनतालाई सर्वसुलभ रुपमा स्वास्थ्य सेवा प्रदान गर्ने अभिप्रायले केएमसीले निःशुल्क स्वास्थ्य शिविर सञ्चालन गर्दै आइरहेको केएमसीका कार्यकारी अध्यक्ष डा. सुनिल शर्माको भनाई छ ।