काठमाडौं । चार्ल्स युनिभर्सिटीमा एक व्यक्तिको गोली प्रहारबाट १४ जनाको मृत्यु भएको छ । घटनामा २४ जना घाइते भएका छन् । चेक गणराज्यको राजधानी प्रागस्थित चार्ल्स युनिभर्सिटीमा एक २४ वर्षीय विद्यार्थीले गोली चलाएका थिए । उनकाे पनि सुरक्षाकर्मीको कारबाहीमा मृत्यु भएकाे छ ।

बिहीबार मानविकी संकायका २४ वर्षीय विद्यार्थीले अन्धाधुन्द गोली चलाएकाे समाचार एजेन्सी रोयटर्सले जनाएकाे छ । गोली चलेपछि मानिसहरुको भागदौड मच्चिँदा कतिपय छतबाट पनि हामफालेका थिए । चेक गणराज्यका राष्ट्रपति पिटर पावेलले विश्वविद्यालय क्षेत्रमा गोली चलेको घटनाबाट आफू स्तब्ध भएको बताउँदै मृतक परिवारजनप्रति समवेदना प्रकट गरेका छन् ।

चेक रिपब्लिकमा बन्दुकधारीको आक्रमण भइरहनु सामान्य जस्तै भएकाे छ चेक रिपब्लिकको स्वतन्त्रतापछि यो हालसम्मकै घातक आक्रमणका रूपमा याे घटनालाइ लिइएकाे छ । यसअघि सन् २०१५ मा एक रेष्टुरेन्टमा गोली चल्दा आठ जनाको ज्यान गएको थियो ।