काठमाडौं । चीनमा भूकम्प जाँदा एक सयभन्दा बढीको मृत्यु भएको छ । नेपाली समयअनुसार आज बिहान २ बजे उत्तरी चीनमा भूकम्प जाँदा सय बढीकाे मृत्यु र दुई सय भन्दा बढी घाइते छन् ।

कान्सु प्रान्तलाई केन्द्रविन्दु बनाएर ६.२ म्याग्निच्युडको भूकम्पले कान्सु र छिङ्हाइ प्रान्तमा क्षति पुगेको चिनियाँ सञ्चारमाध्यमहरूले जनाएका छन् । सिन्ह्वाका अनुसार कान्सुमा १०० जनाको मृत्यु र ९६ जना घाइते भएका छन् । छिङ्हाइमा ११ जनाको मृत्यु र १२४ जना घाइते भएका छन् ।

भूकम्पले यातायात, सञ्चार, विद्युत र कतिपय स्थानमा पानीको आपूर्ति पनि बन्द भएकाे छ । भूकम्प प्रभावित क्षेत्रमा अत्यधिक जाडो रहेकाले स्थानीय समस्यामा परेका छन् । चिनीयाँ सरकारले उद्दार,राहत र स्वास्थ्याेपचारका कार्यहरू अगाडी बढाइसकेकाे छ ।