काठमाडौं, ७ साउन । नेपाली कांग्रेसका नेता डा. शेखर कोइरालाले केही नेपाल ऐन संशोधन गर्ने विधेयक तत्काल खारेज गर्न माग गरेका छन् । जारी केन्द्रीय समिति बैठकमा उनले नीतिगत रुपमै कानुन बनाएर दण्डहीनतालाई प्रश्रय हुनेगरी ल्याएको उक्त विधेयक खारेज लिन माग गरेका हुन् ।

कांग्रेस उपाध्यक्ष तथा कानुनमन्त्री धनराज गुरुङले ल्याएको उक्त विधेयक तत्काल खारेज लिन कोइरालाले माग गरेका हुन् । राजनीतिक दल वा समूहका नाममा जस्तासुकै अपराधीलाई उन्मुक्ति दिने कुरा कांग्रेसको मूल्य मान्यताविपरीत भएको उनको भनाइ छ ।

कांग्रेस मासबेस पार्टी भएपनि पछिल्लाे समय क्याडर बेस जस्ताे भइरहेकाे जिकीर गरे । ‘नेपाली कांग्रेस मासबेस पार्टी हाेकि क्याडर बेस हाे ? छलफल गर्ने बेला आएकाे छ ।’ डा. शेखरले बैठकमा भने ।

उनले २०८४ सालकाे निर्वाचनमा कांग्रेस एक्लै चुनाब लड्नुपर्ने सुझाब दिए । ‘२०८४ सालकाे निर्वाचनमा हामीहरू एक्लै चुनाब लड्छाैं भनेर प्रण गराैं ।’ प्रदेशलाइ समावेश गरेर जिल्लाहरूमा जानुपर्ने डा. शेखरकाे सुझाब छ ।

महंगी, कालाेबजारी र जनजिवीकाका सवालमा कांग्रेस सरकारमा रहेपछि त्यसकाे अनुभूति नभएकाे बताए ।