काठमाडौं, २३ चैत्र । प्रतिनिधि सभा बैठक आज बस्दैछ । संघीय संसद सचिवालयले बैठक दिउँसो १ बजे बस्ने जनाएको छ ।

आजको बैठकमा सार्वजनिक सेवा प्रसारण विधेयक २०७८ र सुरक्षण मुद्रणसम्बन्धी विधेयक २०७८ का सम्बन्धमा राष्ट्रिय सभाबाट प्राप्त सन्देशसहितको विधेयक टेबुल गर्ने कार्यसूची रहेकाे संसद सचिवालयले जनाएकाे छ ।

यस्तै आजकाे बैठकबाट सभामुख देवराज घिमिरेले कार्यव्यवस्था परामर्श समितिमा सदस्यहरूलाई मनोनीत गर्ने सम्भावित कार्यसूची समेत राखिएकाे छ । भने, प्रधानमन्त्री प्रचण्डले लोक सेवा आयोगको ६३ औं वार्षिक प्रतिवेदन पनि पेस गर्ने सूचि छ ।