काठमाडाैं, १४ चैत्र ।मन्त्रालय भागवण्डामा सत्ता साझेदार दलहरू विच असहमति बढेकाे छ । सत्ता गठबन्धन दलहरूविच मन्त्रालयको भागवण्डामा सहमति गर्न बसेकाे बैठक निष्कर्ष विहिन भएकाे हाे ।

प्रधानमन्त्रीकाे सरकारी निवास बालुवाटारमा बसेकाे १० दलकाे बैठक निष्कर्षविहीन बनेको छ । बैठक बुधबार बिहान ९ बजे पुनः बसेर सहमति जुटाउन प्रयास गरिने भनिएकाे छ ।

प्रधानमन्त्री पुष्पकमल दाहाल ‘प्रचण्ड’ले मन्त्रिपरिषद् पुनर्गठनका लागि लगातार गठबन्धन दलहरूमा छलफल गर्दै आए पनि सहमति जुट्न सकेकाे छैन । मंगलबार बिहान प्रचण्डले एकीकृत समाजवादीका नेताहरुसँग छलफल गरेका थिए । उक्त छलफलमा समाजवादीले तीन वटा मन्त्रालय पाउनुपर्ने अडान राखेकोमा प्रचण्डले दुई वटा भन्दा बढी दिन नसकिने बताएका थिए ।

संसदकाे ठूलाे दल नेपाली कांग्रेसले आठ मन्त्रालय दावि गरिरहेकाे छ । तर, मन्त्रालयमा सहमति जुट्न सकेको छैन । जसपा, राष्ट्रिय स्वतन्त्र पार्टी, नागरिक उन्मुक्ति पार्टी, जनमत सहित स्वतन्त्रले पाउने मन्त्रालयमा पनि सहमति जुट्न सकिरहेकाे छैन ।

प्रधानमन्त्री ‘प्रचण्ड’ले दोस्रो पटक विश्वासको मत लिएको एक साता बित्दा पनि सरकारलाई पूर्णता दिन सकेका छैनन् । चैत ६ गते प्रतिनिधि सभाबाट विश्वासको मत लिएकै दिन प्रधानमन्त्रीले चार दिन (चैत १०) भित्रै सरकारलाई पूर्णता दिने बताएका थिए ।

सरकारले पूर्णता नपाउँदा प्रधानमन्त्री एक्लैले १६ वटा मन्त्रालयकाे जिम्मेवारी लिइरहेका छन् ।