काठमाडौं, २९ असार । आम जनता माझ सर्वसुलभ रुपमा स्वास्थ्य सेवा पुर्याउने काठमाडौं मेडिकल कलेज (केएमसी) को अभियान प्रभावकारी बन्दै गएको छ । राजधानीसँगै राजधानी आसपासका जिल्लाहरुमा केएमसीले सञ्चालन गरेको निःशुल्क स्वास्थ्य शिविरमा आएर स्वास्थ्योपचार गराउने सर्वसाधारणहरुको संख्या नै हज्जारौं पुगेको छ ।

सोहिक्रममा पछिल्लो विवरण अनुसार केएमसीले शंखरापुर नगरपालिकाको साँखुमा सञ्चालन गरेको निःशुल्क स्वास्थ्य शिविरबाट ११६५ जना बिरामी लाभान्वित भएका छन् । केएमसीका जनरल मेनेजर नारायण दाहालका अनुसार स्थानीय पिपुल लाइफ केयर हस्पिटलसँग समन्वय गरेर गरिएको निःशुल्क स्वास्थ्य शिविरमा १८४ जना बिरामीको इसिजी गरिएको छ ।

यसैगरी स्वास्थ्य शिविरमा २१३ जनाको ल्याब परीक्षण गरिएको तथा १९७ जनाको अल्ट्रासोनोग्राफी गरिएको छ । स्वास्थ्य शिविरमा ३२ जनाको दाँत खोलिएको थियो भने, ३७ जनाको स्वास्थ्य परीक्षण पश्चात ओटी रेफर गरिएको केएमसीले जनाएको छ ।

विराटनगरमा नोबेल शिक्षण अस्पताल सञ्चालन गरेर प्रदेश १ र मधेस प्रदेशका लाखौं जनतालाई सर्वसुलभ स्वास्थ्य सेवा प्रदान गर्दै आइरहेका समाजसेवी डा. सुनिल शर्माले केएमसीको नेतृत्व संहालेसँगै आम सर्वसाधारणलाई स्वास्थ्य सेवामा पहुँच पुर्याउने उद्देश्यले गाउँगाउँमा निःशुल्क स्वास्थ्य शिविर पुर्याइएको छ ।