काठमाडाैं । काठमाडौंको शहर क्षेत्र छोडेर काँठ क्षेत्र जाने हो भने धेरै ईटा भट्टा भेटिन्छन् । यिनै भट्टामा राजधानी वरपरका गाँउहरुबाट हिउँदमा काम गर्न श्रमिकहरु आउँछन् । यी भट्टामा काम गर्ने श्रमिकहरु आफूसँगै परिवार नै ल्याउँछन् । अनि काँचो इटाको झ्याउलीमा बस्छन् ।

भट्टाको जीवनशैली कष्टकर छ । ओसिलो खेलमा माघको जाडो खेप्दै साना साना वालवालिकाहरु बाँचिरहेका छन् । ती वालवालिकाहरु मध्ये कोही खेतमै कोक्रोमा बसिरहेका हुन्छन् त कोही माटोसँग खेल्दै अनि काम गर्दै हुन्छन् । सरकारले ईंटा भट्टामा बालश्रम निषेध गरेपनि कार्यान्वयन फितलाे छ । काँठ क्षेत्रका ईंटा भट्टाहरूमा बालबालिका, किशाेर किशाेरीहरू श्रम गरिरहेकाे भेटिन्छन् ।

भक्तपुर, ललितपुर तथा काठमाडाैं चक्रपथ बाहिरका ईंटा भट्टामा बालश्रम निर्वाध छ । सरकारले अनिवार्य बालबालिकाहरूलाई विद्यालय पठाउनु पर्ने घाेषणा गरेपनि ईंटा भट्टामा रहेका परिवारका बालबालिकाहरू विद्यालय गएका छैनन् । स्थानीय तहले पनि ईंटा भट्टाहरूमा अनुगमन नगर्दा बालश्रम छ ।

 हेरौं केही दृश्यहरु :

-->